चित्र-चरित्र

मराठी सिनेसृष्टीतील अॅक्शन आणि रोमॅण्टिक हिरो म्हणून अभिनेता संतोष जुवेकरची ओळख आहे. विविध सिनेमे आणि मालिकांमधून त्यानं आपल्या अभिनयाचा ठसा उमटवला आहे. 'बेधुंद मनाची लहर', ‘ह्या गोजिरवाण्या घरात', 'किमयागार' या मालिकांमधून त्याने आपली विशेष छाप पाडली आणि आता ‘अस्सं सासर सुरेख बाई’ ही मालिका प्रेक्षकांच्या पसंतीस उतरली आहे. संतोष जुवेकरने त्यानंतर काही सिनेमे केले, नाटकातही तो चमकला. संतोष जुवेकर अवधूत गुप्ते दिग्दर्शित "झेंडा" या चित्रपटातून प्रकाशझोतात आला. ‘मोरया’, ‘मॅटर’, ‘पांगिरा’, ‘एक तारा’, ‘खेळ मांडला’, ‘सनई चौघडे’, ‘बाईकर्स अड्डा’ हे संतोषचे सिनेमे लोकप्रिय ठरले. आज छोट्या पडद्यावर अनेक मालिका गाजताहेत. यामध्ये मुख्य भूमिकेत असलेल्या कलाकारात अभिनेता संतोष जुवेकर सर्वाधिक मानधन घेणारा कलाकार आहे.

‘गडबड गोंधळ’, ‘रॉकी’, ‘मी शिवाजी पार्क’, ‘रणांगण’ हे संतोषचे अलीकडचे महत्त्वाचे चित्रपट. एक थी बेगम या वेब सीरिजमधील त्याचे काम प्रेक्षकांच्या पसंतीस उतरले. 'हिडन', 'इंदोरी इश्क' ह्या संतोषच्या अलीकडील उल्लेखनीय मालिका. '३६ गुण', 'डार्लिंग' हे त्याचे अलीकडील मराठी चित्रपट आहेत. तसेच 'धारावी बँक' या हिंदी वेब सीरिज मध्येही त्याने काम केले आहे.

-मंदार जोशी