अतिथी कट्टा

दिनांक : १०-०८-२०१९

‌‌‌‌‌‌‌‌‌पाण्यासाठी लढणाऱ्यांना आमचा राष्ट्रीय पुरस्कार अर्पित




नुकत्याच जाहीर झालेल्या राष्ट्रीय चित्रपट पुरस्कारांमध्ये प्रसिद्ध अभिनेता आदिनाथ कोठारेचे दिग्दर्शकीय पदार्पण असलेल्या ‘पाणी’ चित्रपटाला सर्वोत्कृष्ट पर्यावरणविषयक चित्रपटाचा पुरस्कार मिळाला आहे. त्याबद्दल आदिनाथचं हे मनोगत.

——

माझं दिग्दर्शकीय पदार्पण असलेल्या ‘पाणी’ चित्रपटाला राष्ट्रीय पुरस्कार मिळाल्याचा मला प्रचंड आनंद झाला आहे. खरं तर हा आनंद कसा व्यक्त करावा यासाठी माझ्याकडे शब्द नाहीत. आपल्या देशामधील हा सर्वात मानाचा पुरस्कार मानला जातो. गेली पाच वर्षं मी आणि माझी टीम या चित्रपटावर काम करीत होती. त्यामुळे या राष्ट्रीय पुरस्कारामुळे आमच्या मेहनतीचं चीज झाल्यासारखं वाटतंय. माझ्यासारख्या नवोदित दिग्दर्शकावर एवढा मोठा विश्वास टाकल्याबद्दल मी निर्मात्यांचा खूप खूप आभारी आहे. आमची क्रिएटिव्ह रश्मी कुलकर्णी हिचेही मी खूप आभार मानतो. थॅंक यू रश्मी…

नितीन दीक्षित हा माझा केवळ मित्र नसून अगदी भावासारखाच आहे. या चित्रपटामध्ये त्यानं स्वतःला अगदी झोकून दिलं होतं. लेखक म्हणून तब्बल चार वर्षं त्यानं या प्रोजेक्टला अर्पित केली होती. तब्बल चार वर्षं आम्ही एकत्रपणे या चित्रपटाच्या स्क्रीप्टवर काम करीत होतो. पहिली दोन वर्षं तर संशोधनातच गेली नि पुढचा काळ स्क्रीप्ट पूर्ण करण्यात गेला. आधी स्क्रीप्ट रश्मीनं ऐकली. मग प्रियांका चोप्रानं ऐकली. मग त्यानंतर आमची छान टीम एकत्र आली. आमच्या कोठारे व्हिजनच्या टीमनं अत्यंत पॅशनेटली काम केलं. त्याचा हा रिझल्ट आहे. लवकरच आम्ही आता या चित्रपटाची प्रदर्शनाची तारीख जाहीर करू. आम्ही सर्व ज्युरीचे आभार मानतो.

हा पुरस्कार आम्ही अशा व्यक्तींना अर्पित करतो की ज्यांच्यावर हा चित्रपट आधारलेला आहे. हनुमंत हा तो माणूस. अत्यंत छोट्या गावात राहणारा. २००१ साली या गावातील सर्व माणसं एकत्र येऊन पाण्यासाठी लढली. हनुमंतनी कसं या सगळ्या लोकांना प्रोत्साहित करून गावात पाणी आणलं याची कहाणी म्हणजे हा चित्रपट आहे. हे गाव आता टॅंकरमुक्त आहे. एवढंच नव्हे तर हे गाव आता आजूबाजूच्या तीन-चार गावांना स्वतःची गरज भागवून पाणीही पुरवतं. अशी ही प्रेरणादायी गोष्ट मला जगापुढं आणावी असं वाटलं. पाण्यासाठी लढणाऱ्या माणसांना हा पुरस्कार अर्पित.

– आदिनाथ कोठारे.

ठेवणीतले लेख

आपल्या प्रतिक्रिया येथे नोंदवा



[recaptcha]

काही निवडक प्रतिक्रिया:

संदीप पेंढारकर

राज्य विधानसभा निवडणुकीत "सिंहासन " आठवणारच

खुप सुंदर चित्रपट होता ...या चित्रपटात सर्व दिग्गज कलाकार मंडळी होती .…मराठी मधील मैलाचा दगड ठरला असा चित्रपट
संदर्भ:- फेसबुक प्रतिक्रिया