अतिथी कट्टा

या चित्रपटाचा तांत्रिक दर्जा अतिशय उत्तम आहेत. ‘व्हीएफएक्स’ ही कमाल झाले आहेत. आतापर्यंत आपण बिगबजेट हिंदी चित्रपटांमध्ये उच्च दर्जाचे व्हीएफएक्स पाहिले आहेत. परंतु, हा चित्रपट या सर्व चित्रपटांच्या कुठेही कमी पडलेला नाही. दिग्दर्शक नरेश बिडकर आणि मी एकमेकांना आधीपासून ओळखत होतो. आमचं खास असं ‘नागपूरी कनेक्शन’ आहे. त्यामुळे त्यांना माझ्याकडून काय हवं आहे आणि मला त्यांना काय देता येऊ शकतं हे चांगलंच ठाऊक होतं. त्यामुळे त्यांच्याबरोबर चित्रपटासाठी काम करताना खूपच मजा आली. हे क्षेत्र मला जरी नवखं नसलं तरी अभिनय करणे हा पूर्णपणे वेगळा भाग आहे. ‘Once मोअर’ चित्रपटाच्या निमित्ताने हा वेगळा अनुभव मी घेतला. या चित्रपटाची निर्मितीही मी करतोय, त्यामुळे माझ्यासाठी हा डबल धमाकाच आहे.

या चित्रपटात माझ्यासोबत रोहिणी हट्टंगडी, पूर्णिमा तळवलकर, भारत गणेशपुरे, नरेश बीडकर आशुतोष पत्की आणि धनश्री दळवी आदि कलाकारांच्या भूमिका आहेत. या चित्रपटाचे लेखन श्वेता बिडकर यांनी केले आहे. धनश्री विनोद पाटील, सुहास जहागीरदार, निलेश लवंदे, विष्णू मनोहर आणि डॉ. विनित बांदिवडेकर यांनी या चित्रपटाची निर्मिती केली आहे. अभय ठाकूर, सुदिप नाईक, संपदा नाईक आणि व्ही.टी एच.एटंरटेन्मेंट सहनिर्माते आहेत. थोडक्यात, खूप मेहनतीने, प्रेमाने, जिद्दीने आम्ही हा चित्रपट बनवला आहे. प्रेक्षकांच्या तो पसंतीस उतरेल याची आम्हाला खात्री आहे.

– विष्णु मनोहर