अतिथी कट्टा
दिनांक : ०६-०७-२०१९
मराठी संगीताचा मी विशेष फॅन
हिंदी चित्रपटसृष्टीतील प्रसिद्ध पार्श्वगायक जावेद अली मराठी चित्रपटसृष्टीत मोजकीच परंतु दर्जेदार गाणी गातो. येत्या १२ जुलै रोजी प्रदर्शित होणाऱ्या ‘व्हॉट्सअप लव्ह’ या चित्रपटात त्यानं गाणी गायली आहेत. त्यानिमित्तानं त्याचं हे मनोगत.
——
मराठी चित्रपटांमध्ये गाणं हा माझ्यासाठी नेहमीचा आनंदाचा नि अभिमानाचा विषय असतो. त्यामागचं महत्त्वाचं कारण म्हणजे मी महाराष्ट्रात राहतो आणि मुंबई माझी कर्मभूमी आहे. मी जरी दिल्लीचा असलो तरी माझ्यासकट बहुतांश कलाकारांना मोठं करण्याचं काम महाराष्ट्रानं केलं आहे. जगातील सर्वोत्तम गायिका लता मंगेशकर आणि आशा भोसले यांची हिंदी आणि मराठी गाणी ऐकून मी मोठा झालो. मंगेशकर कुटुंबाच्या संगीत साधनेचा माझ्यावर प्रभाव आहे. ‘दयाघना…’, व ‘मेंदीच्या पानावर’ ही माझी आवडती मराठी गाणी आहेत. लतादीदींचं ‘मोगरा फुलला’ हे गाणं मला विशेष आवडतं. हृदयनाथ मंगेशकरजींचं ‘दयाघना’ तर क्लासिकच आहे. आशाताईंचं ‘केव्हातरी पहाटे’ हे गाणं मी कितीदाही ऐकलं तरी माझं समाधान होत नाही. त्यामुळे मला जेव्हा जेव्हा मराठी गाणं गाण्यासाठी बोलावलं जातं तेव्हा मी खुश असतो. पण, तिथे जाण्यापूर्वी मी गीताचे संपूर्ण बोल शुद्ध उच्चारण कसे होतील, हया कडे लक्ष देतो आणि त्यासाठी मराठी गाणी आवर्जून ऐकतो. जेव्हा मी ते गाणं रेकॉर्डिंगनंतर ऐकतो तेव्हा मला खूप अभिमान वाटतो की मीपण मराठी गाणं गायलंय!
– जावेद अली
काही निवडक प्रतिक्रिया:
स्नेहा कदम
खूप जनांकडून आपल्या वेबसाईट बद्दल ऐकले होते पण भेट दिली नव्हती. आज भेट दिली वेबसाईट बघून खूप आनंद झाला खूप महत्वाची माहिती हाती लागली. जी माझ्या खरंच उपयोगाची आहे. जुन्या जाणत्या कलाकारांची , पुरस्कार, आणि बरच काही.
आपण हा उपक्रम चालू केल्या बद्दल खरच आपले आभार.
संदर्भ:- प्रतिक्रिया
