अतिथी कट्टा

——–

शाहिरांची ही जीवनगाथा म्हणजे रसिकांसाठी गाण्यांच्या रूपातील एक पर्वणी आहे. या चित्रपटाच्या टिझर प्रकाशन सोहळ्यास शाहिरांच्या पत्नी श्रीमती राधाबाई कृष्णराव साबळे, मनसे अध्यक्ष राज ठाकरे, दिग्दर्शक केदार शिंदे, प्रमुख कलाकार अंकुश चौधरी, सना केदार शिंदे, निर्माते संजय छाब्रिया आणि बेला केदार शिंदे, संगीतकार अजय-अतुल तसेच पटकथा-संवाद लेखिका प्रतिमा कुलकर्णी हे मान्यवर उपस्थित होते. एव्हरेस्ट एन्टरटेन्मेंट आणि केदार शिंदे प्रॉडक्शन्सची निर्मिती असलेला हा चित्रपट एक भव्य आणि केवळ पडद्यावर पाहावा असाच चित्रपट आहे.

शाहीरांबद्दल बोलताना राज ठाकरे यावेळी म्हणाले, “कोणताही स्वातंत्र्यलढा कोणतीही सामाजिक चळवळ ही मनामनात, घराघरात पोहोचविण्याचे काम हे लोक कलाकार करत असतात. जगभरात हे झालेले आहे. संयुक्त महाराष्ट्राचा मंगल कलश 1960 साली आला, त्यात अनेक लोकांचे योगदान होते. पण त्याकाळात शाहिरांनी दिलेले योगदान खूप मोठे होते. अशा लोकांमुळे स्वातंत्र्य लढा असो की संयुक्त महाराष्ट्र सारखी चळवळ असो, त्या जवळ येत जातात. हे लोक मनामनात आणि घरघरात पोहोचलेले असतात. कोणतीही चळवळ सांघिक स्वरूपात नेण्यात अशा लोकांचा फार मोठा वाटा असतो. हे जगभरातील अनुभव आहे. शाहीरांचे हे सर्वात मोठे योगदान आहे. शाहिरांना मी लहानपणापासून पाहत आलो आहे. ते आमच्या घरी माननीय मा. बाळासाहेबांना भेटायला यायचे. मला ते ‘जय जय महाराष्ट्र माझा’वाले शाहीर म्हणून माहीत होते. पण शाहीरांबद्दल एक गोष्ट सांगतो, की जे ठराविक लोक बाळासाहेबांना ‘बाळ’ म्हणायचे, त्यात एक शाहीर होते. आज बायोपिक बरेच येतात. त्यासाठी तो माणूसही तसा असावा लागतो. पण शाहिरांच्या या जीवनपटात एकेक महत्त्वाच्या गोष्टी पुढे येत जातात. या चित्रपटात प्रत्येक फ्रेमसाठी विशेष प्रयत्न केल्याचे जाणवते. केदार शिंदे यांनी जेव्हा मला या चित्रपटाबद्दल सांगितले तेव्हा मी त्यांना विचारले की शाहिरांनी भूमिका कोण करतोय. त्यांनी जेव्हा अंकुशबद्दल सांगितले तेव्हा मी थोडीशी साशंकता व्यक्त केली. पण टिझर पाहिल्यावर नक्की सांगू शकतो की, अंकुश ने उत्कृष्टपणे शाहीर उभे केले आहेत.

शाहीर साबळे यांच्या पत्नी श्रीमती राधाबाई कृष्णराव साबळे यावेळी बोलताना म्हणाल्या, की हा माझ्यासाठी एक अत्यंत हळवा प्रसंग आहे. आज मी भावूक झाले आहे. संगीतकार अजय-अतुल म्हणाले, की आम्ही शहीरांकडून खूप शिकलो. त्यांच्यामुळे केदार आणि आमची मैत्री झाली. या चित्रपटाचा भाग होता आले, हे आमचे भाग्य आहे. त्यासाठी आम्ही केदारचेही आभारी आहोत. निर्माते संजय छाब्रिया यावेळी बोलताना म्हणाले, की आम्ही जेव्हा ‘मी शिवाजीराजे बोलतोय’ची निर्मिती केली तेव्हाही राजसाहेब आले होते. यावेळी ते आले आहेत. त्यामुळे त्यांचा आणि आमचा एक ऋणानुबंध निर्माण झाला आहे. संगीतकार अजय-अतुल यांनी अप्रतिम संगीत दिले आहे. एक दर्जेदार चित्रपट दिल्याबद्दल केदार शिंदे यांचे मानावे तेवढे आभार कमीच आहेत.

या चित्रपटाचे दिग्दर्शक केदार शिंदे म्हणाले, “गेली साडे तीन वर्षं मी जे स्वप्न उराशी बाळगलं होतं, ते आता साकार होतंय याचा आनंद आहे. शाहीर आणि शाहिरांच्या पत्नीसाठी मी निवडलेले अंकुश आणि माझी मुलगी सना हे ‘फर्स्ट चॉइस’ होते. अंकुशच्या निवडीत आमचा ‘डीओपी’ वासुदेव याचाही मोठा वाटा आहे. एके दिवशी बोलता बोलता वासुदेव मला म्हणाला, ‘शाहिरांच्या व्यक्तिरेखेसाठी अंकुश सर तुम्हाला कसे वाटतात?’ तेव्हा मी विचार करायला लागलो.