शशांक केतकरनं ऑस्ट्रेलियातील सिडनी शहरात मास्टर्स ऑफ इंजिनिअरिंग मॅनेजमेंटचं शिक्षण घेतलं. तिथंच काही काळ त्यानं नोकरीही केली. भारतामध्ये परतल्यानंतर त्यानं पुण्यातील ‘सुदर्शन रंगमंच’ जॉईन केला. इथल्या कामामुळे त्याला ‘कालाय तस्मे नम:’ ही मालिका मिळाली. त्यानंतरची शशांकची मालिका म्हणजे ‘स्वप्नांच्या पलीकडले’. परंतु, शशांकला खरी लोकप्रियता मिळवून दिली ती ‘होणार सून मी ह्या घरची’ या मालिकेमधील ‘श्री’ या व्यक्तिरेखेमुळे. टीव्हीवरील लोकप्रियतेमुळे शशांकचा चित्रपटसृष्टीतील प्रवेशाचा मार्ग मोकळा झाला. ‘वन वे तिकीट’ आणि ‘३१ दिवस’ हे दोन चित्रपट त्यानं केले आहेत.
‘कालाय तस्मैः नमः’ ही शशांकची पहिली मराठी मालिका. त्यानंतर ‘सुवासिनी’, ‘स्वप्नांच्या पलीकडे’, ‘फिरुनी नवी जन्मेन’ या मालिकांमध्ये त्याने छोट्या भूमिका साकारल्या. ‘रंग माझा वेगळा’ या मालिकेत शशांकला मुख्य भूमिका मिळाली. शशांकने ‘होणार सून मी ह्या घरची’ या मालिकेत अभिनय केला या मालिकेत शशांकने श्रीरंग नावाच्या उद्योजकाची भूमिका साकारली होती. या मालिकेने त्याला ओळख मिळवून दिली. होणार सून...'मधल्या श्री या व्यक्तिरेखेमुळे तुफान लोकप्रियता मिळालेल्या अभिनेता शशांक केतकरनं या मालिकेनंतर 'गोष्ट तशी गंमतीची' या नाटकात काम केलं. त्यानंर तो 'सुखाच्या सरींनी हे मन बावरे', ‘इथेच टाका तंबू’, ‘नकटीच्या लग्नाला यायचं हं’, व ‘पाहिले न मी तुला’ या मालिकेत दिसला होता. शशांकची बहिण दीक्षा केतकरने देखील छोट्या पडद्यावर एन्ट्री करत ‘पाहिले न मी तुला’ या मालिकेत काम केले आहे.
शशांकने 'गोष्ट तशी गमतीची' या नाटकाद्वारे व्यावसायिक रंगभूमीवरसुद्धा प्रवेश केला. दोन पिढ्यांमधील अंतर हा या नाटकाचा विषय होता. 'कुसुम मनोहर लेले' या नाटकातही त्याने मुख्य भूमिका साकारली.
सध्या शशांक केतकर स्कॅम २००३ : द तेलगी स्टोरी या वेबसीरिजमुळे चर्चेत आहे. यात त्याने जयंत करमरकर हे पात्र साकारले आहे.
-संजीव वेलणकर